حكيم عيون افهم في العين
وافهم كمان في رموش العين
اعرف هواهم ساكن فين
واعرف دواهم يجي منين
قاسيت كتيرمنهم
وقريت كتيرعنهم
طيب اقرأ لي اللي فقلبي
واحكيلي عليه
اللي مكتوب فيه بيخوف
مقدرش احكيه
بيخوفني
انت كل حاجه تحشر نفسك فيها
حتى قلبي؟
ياريتني صحيح اقدر اكشف قلبك
واسأله ع اللي فبالي
تسأله عن ايه؟
عايز اعرف ان كان مشغول والا خالي
شيء ما يهمكش
ما يهمنيش ازاي؟
طب ما تعيطش
عندي سؤال لو تسمحي
اقدر اقولهولك؟
اوي
فيه ياترى شخص يهمك
شاغلك ومشغول به قلبك؟
امهمهم
والشخص ده موجود هنا؟
امهمهم
يعني انتي عارفه مش كده
والشخص ده شايفاه
دي الوقت قدامك؟
بالطبع لا
زعلت مني والا ايه؟
ابدا وحزعل منك ليه؟
دي الوقت بس صدقتك
اسم الاغنية : حكيم عيون
كاتب الاغنية : حسين السيد
ملحن الاغنية : محمد عبد الوهاب
غناء : محمد عبد الوهاب
العربية
